Тапетите беа популарни во минатото, но последниве години повторно се наметнаа како тренд при уредувањето на просториите. Галеријата што следи содржи тапети со модерни и ретро дизајни кои со сигурност ќе ја издвојат собата од останатите, правејќи ја поубава и повесела.

Агенцијата АGЕ Iѕоbar од Бразил е одговорна за овие постери кои се дел од кампањата на хуманитарната организација “Црвен крст”. Со фотографиите на Серџо Бас, одговорните од агенцијата одлучиле да го истакнат црвениот крст со цел да се покаже единството и посветеноста на организацијата со кои им помага на луѓето.

Овие интересни илустрации се дело на Такер Рзепецки а.к.а. Боб Рз. Негова инспирација за илустрациите во прилог се типичните љубовни ситуации. Повеќе од неговата интересна работа може да погледнете овде.

Овој креативен постер на прекрасен начин покажува како делува врз нас читањето на книгите. Постерот е дело на Анастасија Горбунов од Русија и е направен за конкурс за поттикнување на читањето и писменоста кај Русите. Постерот го освоил првото место и на изложбата бил претставен со пораката: “Читањето не е опасно. Опасно е да не се чита.”.

Едноставноста ги прави овие прекрасни картички толку посебни. Истите дури може сами да ги направите и само со малку креативност на симпатичен начин да ги искажете вашите чувства и секако да го разубавите денот на вашата сакана личност .

Овие љубовни картички со искрени романтични пораки се дело на младата дизајнерка Кристен Стренг. Картичките ги прави посебни интересната типографија во комбинација со едноставните геометриски форми. Кристен истите ги продава за 3 долари, а со малку креативност може и сами да ги направите и да ги испратите до конкретната личност .

Овие креативни полици се дизајнирани од Ричард Молон. Достапни се сите букви, така да може да се формира било кој збор и да се состави саканата полица. Полиците се достапни во различни димензии, бои и во два различни модели, за на ѕид и за на под, така што можат да се постават во согласност со просторот.