Модниот дизајн е многу повеќе од само креирање облека и модни додатоци. Гледајќи кон иднината, од почетокот на 21 век, можат да се видат радикални промени во модата, архитектурата, графичкиот дизајн, технологијата и слично, кои овозможуваат редефинирање на размислувањето во врска со модата и дизајнот воопшто.

Како резулатат на тоа, оваа колекција LEDesign е произлезена од желбата да се даде нова слика, нов начин на конзумирање на модата и дизајнот кај нас. Од потребата да се претстави облеката и накитот на еден сосема нов начин. Црно бели парчиња, лед диоди, батерии, во комбинација со алуминум и плексиглас, рачно изработени етно мотиви од македонските носии трансформирани на сопствен начин. Сето тоа е дел од електронската приказна на Јована Филиповиќ, од нејзиниот сон, кој конечно стана реалност и е спремен да се доживее.

Модел: Маја Ангеловска
Фотограф: Дарко Мораитов
Шминка и фризура: Миа Костова
Локација: Клуб Paradiso